विजय शिंदे
इंदापूर तालुक्यातील निरवांगी येथील श्री नंदीकेश्वर मंदिर येथे श्रावणातील पहिल्या सोमवारी भाविकांनी पवित्र शिवलिंगाच्या दर्शनासाठी गर्दी केली होती. मंदिर
परिसरात भोलेनाथाच्या जयघोषाने परिसर दुमदुमला होता.
उपासना, श्रद्धा व भक्तीचा पवित्र महिना असलेल्या श्रावण महिना आरंभ झाला असून श्रावणी सोमवारच्या निमित्ताने तालुक्यातील निरवांगी येथील प्रसिद्ध देवस्थान श्री नंदीकेश्वर मंदिर येथे पुणे जिल्हा परिषदेचे माजी बांधकाम व आरोग्य समितीचे सभापती प्रवीण माने यांनी मनोभावे दर्शन घेऊन अभिषेक केला.
यावेळी इंदापूर तालुक्यात समाधानकारक पाऊस पडावा, सर्वत्र सुख शांती नांदावी यासाठी त्यांनी साकडे घातले.
