विजय शिंदे
विधानसभा निवडणुकीच्या काळात महाराष्ट्रातील राजकीय घडामोडी पाहता, सत्ताधारी महायुती आणि विरोधी महाविकास आघाडी (मविआ) यांच्या निवडणूक निकाल आणि परिणामांवर बंडखोरांची भूमिका काय असेल याबद्दल बरीच चर्चा होती.
अखेरीस राज्यभरातील रिंगणात असलेल्या ५० बंडखोरांपैकी फक्त दोन जणच विजयी होऊ शकले. मात्र, असे असले तरी त्यांनी इतर ११ जागांवरील निकालांवर प्रभाव टाकला. महायुतीने (भाजपा, अजित पवार यांच्या नेतृत्वाखालील राष्ट्रवादी काँग्रेस व एकनाथ शिंदे यांची शिवसेना यांचा समावेश असलेल्या) बंडखोर उपस्थित असलेल्या सात जागा गमावल्या आणि महाविकास आघाडी (काँग्रेस, उद्धव ठाकरे यांची शिवसेना व शरद पवार यांच्या नेतृत्वाखालील राष्ट्रवादी यांचा समावेश असलेल्या) अशा चार जागा गमावल्या.
इंदापूर मधील राष्ट्रवादी शरदचंद्र पवार पक्षाचे बंडखोर उमेदवार प्रवीण माने हे लवकरच भारतीय जनता पक्षात प्रवेश करणार असल्याचे बोलले जात आहे, तसे संकेतही त्यांनी पराभवानंतर कार्यकर्त्यांशी संवाद साधताना व्यक्त केले.इंदापूरमध्ये राष्ट्रवादी (शरद पवार) पक्षाचे बंडखोर प्रवीण माने यांनी ३७,९१७ मते मिळवून पक्षाचे अधिकृत उमेदवार हर्षवर्धन पाटील यांच्या विजयाची शक्यता कमी केली. त्यामुळे पाटील यांना राष्ट्रवादी (अजित पवार) पक्षाचे दत्तात्रय भरणे यांच्याकडून १९,००० मतांनी पराभव पत्करावा लागला.
प्रवीण माने हे सत्ताधारी पक्षात प्रवेश करून आगामी काळात आपली इंदापूर तालुक्यात एक कार्यकर्त्यांची फळी मजबूत करण्याचा प्रयत्न करणार आहेत. हर्षवर्धन पाटील यांच्या राष्ट्रवादी शरदचंद्र पवार पक्षातील प्रवेशाने भाजपमध्ये निर्माण झालेली पोकळी भरून काढण्यासाठी तसेच २०२९ विधानसभेसाठी माने यांना पक्ष ताकद देणार असल्याचे बोलले जाते.
